ໃນລະຫວ່າງວັນທີ 23-26 ພະຈິກ 2021 ທີ່ຜ່ານມາ, ທີ່ຫ້ອງປະຊຸມ ຣີສອດສາຍພູຫລວງ ພະແນກເແຜນການ ແລະ ການລົງທຶນ ແຂວງຄຳມ່ວນ ໄດ້ຈັດຝຶກອົບຮົມການໃຊ້ລະບົບ ຈາລະຈອນເອກະສານ ແລະ ການຈັດເກັບຮັກສາເອກະສານ ແບບເອເລັກໂຕຼນິກ ໃຫ້ຫ້ອງການ ແຜນການ ແລະ ການລົງທຶນ 10 ຕົວເມືອງ. ໂດຍການເປັນປະທານຂອງທ່ານ ອິນແກ້ວ ຈັນທະເທບ ຮອງ

ຫົວຫນ້າ ພະແນກ ແຜນການ ແລະ ການລົງທຶນ ແຂວງຄຳມ່ວນ, ຈຸດປະສົງການຝຶກອົບຮົມໃນຄັ້ງນີ້ເພື່ອເປັນການຄຸ້ມຄອງ, ຕິດຕາມ, ກວດກາ ລະບົບເອກະສານ ແບບເອເລັກໂຕຼນິກ ເພື່ອນໍາໃຊ້ລະບົບດັ່ງກ່າວໃຫ້ມີຄວາມສະດວກ, ວ່ອງໄວ, ປະຫຍັດເວລາ ແລະ ຄ່າໃຊ້ຈ່າຍ ຮັບປະກັນຄວາມປອດໄພຂອງເອກະສານທາງການ ແນ່ໃສ່ຊຸກຍູ້ສົ່ງເສີມການນໍາໃຊ້ຢ່າງທົ່ວເຖິງ ພາຍໃນຂັ້ນພະແນກ ແລະ ທ້ອງຖິ່ນ ປະກອບສ່ວນເຂົ້າໃນວຽກງານຢ່າງມີປະສິດທິພາບ ແລະ ປະສິດທິຜົນສູງສຸດ ເຊິ່ງການຝຶກອົບຮົມໃນຄັ້ງນີ້ມີຜູ້ເຂົ້າຮ່ວມທັງໝົດ 18 ສະຫາຍ, ຍິງ 11 ສະຫາຍ.